Evîna Bextewar

Tu straneke bextewar î

Di guhê min de

Gava ku dengê te dibihîzim

Zîn tê bîra min

            Xecê tê

                     Binevşa Narîn tê…

Gava ku dikevî dilê min, dibim;

Mem

      Siyabend,

                Cembeliyê Heqarî

Gava dikevî çavê min roj tarî dibe

Zarokek berşîr radibe ji xewê,

Kênek dide asîman

Heyv cihê xwe dide ronahî…

Hezkirina te straneke bextewar e

Dengê sitranê û bilûrê tê guhê min,

Dengê evînê…

Tu di paca xwe de binêre, bibîhîse

Ba dengê min aniye ji te re

Guhê xwe bidê

Dibeje ku

“ez ji te hez dikim”

roj bi roj dikevî dilê min

xezalê!

Kî dibêje evîna bextewar tûne ye

Bextewariya min hebûna te ye…

Sal bi sal dizivirim ber evînê,    

            Û

Tê me ava dîjle dibînim

Belê ne şaş bû me

Dîjle rûyê te dibiriqîne nav avê

Serê sibê re diçim rûyê te dibînim

Xwe davêjim ava Dîjle…

            Û

Tu winda dibî

Wekî ava Dîjle

            Dicemidim…

Xwîna min diraweste

Rayên min navêje

            Bê xwîn e, bê te…

Hebûn BRÛSK